Dugnaður

Í dag er ég búin að vera dugleg. Mikið var!

Kláraði handritið í verkefninu okkar Helga og sendi það á múttu til yfirlestrar. Vinn svo út punktunum hennar á morgun og sendi það þá til Helga og vinn svo úr punktunum hans í vikunni og þá verður það sent til Árna og svo unnið úr punktunum sem hann gefur. Hef samt trú á því að þetta verði alveg komið næstu helgi.

Er síðan núna að læra. Er að skoða myndir frá París árið 1870 og sjá fyrir mér hvernig væri að lifa þar þá. Það er skemmtilegt.

Þyrfti svo helst að redda mér smá glósum á morgun og ná upp því sem ég hef misst af í vikunni.

Í kvöld á Nina flatmate afmæli og er því partý henni til heiðurs einhversstaðar hjá Angel. Ég ætla að draga Halla mér mér í það. Er samt að sjá pínu á eftir kósíkveldinu sem ég fórna í staðinn. Ætlaði að horfa á Anna and the King og borða lakkrís og súkkulaði.

Er að pæla í að læra í svona hálftíma í viðbót og fara síðan að snurfusa mig og sturtast og aðeins flikka upp á útlitið á mér. Ég er án gríns búin að vera eins og tuska í svona hálfan mánuð!

Langar agalega að vera heima á Íslandi um helgina. Fullt af tónleikum í gangi í dag og svo Hálfvitarnir á Rosenberg í kveld. Dem! Ég bara panta tónleika hjá öllum um jólin - díll?

Og farið svo að senda mér myndir á væntumykjuvegginn! Elfa er sú eina sem er búin að senda! Þið fáið verðlaun í staðinn - alveg satt :o)

En núna ætla ég að halda áfram að vera dugleg.

Yfir og út.

Ást

Hahahahahahahahahahaha ég lét ykkur flest æla! Hahahahahahha!

Sry ekki ætlunarverkið en skemmtileg útkoma engu að síður.

Fanney afi Dæsi reyndi að láta okkur borða einu sinni eða tvisvar rúgbrauðssúpu. Það gekk ekkert voða vel. Svo gætir þú hafa lent í einhverju álíka í sveitinni. Hann reyndi líka einu sinni að láta okkur borða svið, og þá sérstaklega tunguna.

Og tékkaðu á Cymbeline, ég var líka með mónólóg úr því verki. Byrjar Oh Gods and Godesses....eða eitthvað álíka. Og það eru alveg nokkrir skemmtilegir mónólógar í því verki sem Imogen er með.

Annars er að það að frétta að ég fann lakkrís í Lundúnaborg. LOKSINS! Er búin að vera að drepast úr lakkrísþörf! Og þetta er meira að segja góður lakkrís - Panda lakkrís. Þannig hér í þessari stóru borg borða ég einungis lífrænt nammi - Panda lakkrís og Green and Blacks súkkulaði.

Þessa dagana er erfitt að vera hollur í matavali. Brauðið hefur haldið innreið sína aftur í líf mitt. Það kostar lítið og er mikill matur í því. Kaupi samt bara heilhveitibrauð. Svo er pasta líka vinsælt, og þá kaupi ég samt bara heilhveitipasta eða speltpasta. Það munar eiginlega engu í verði hérna úti. Svo eru það blessuðu núðlurnar! Þær hef ég ekki fundið í hollari útgáfu. Ég er ekki enn búin að glepjast í hrísgrjónin en það er stutt í það. Og svo eru það niðursoðnu súpurnar, túnfiskurinn, laxinn, sardínurnar, gulu baunirnar, gúrkurnar, sveppirnir, tómatarnir og svo framvegis. Dugar lengur en ferskt grænmeti og dugar í nokkra rétti hver dós (nema kannski af laxinum, túnfiskinum og tómötunum). Svo er það miklu ódýrara en það ferska. En gæðin náttúrulega ekki þau bestu!

Erum að skilgreina í skólanum þá 140 purposes sem eru til. í dag náðum við 27 stykkjum minnir mig. Þar var að finna bæði I want to be loved og I want to love. Þetta eru þær fallegustu og trúustu skilgreiningar á ást sem ég hef séð. Ég fór næstum því að grenja! Þær meika kannski ekki mikið sens fyrir þá sem eru ekki að læra Science of acting en ég ætla samt að skrifa þær hérna upp. Það er nefnilega svo mikill sannleikur í þeim.

I want to be loved.

I want someone to think all the time about me and give me care, pleasure, security, disregard all my faults and mistakes and be prepared to make sacrifices for me, in other words, to fail for my sake. But primarly to accept my shame events as their own.

I want to love.

I want to think all the time about someone and give him/her care, pleasure, security, disregard all his/her faults and mistakes and be prepared to make sacrifices for him/her, in other words, to fail for his/her sake. But primarly to accept his/her shame events as my own.
I want to suffer for his/her shame events (to atone for my own).

Ég veit ekki hvort þið skiljið þetta eins og ég, en þetta snart mig og því vildi ég deila þessu með ykkur.

Yfir og út.

Brauðsúpa

Var rétt í þessu að muna eftir því að það væri eitthvað til sem héti brauðsúpa! Það er án efa það versta sem einhverjum hefur dottið í hug að malla! Án efa eitthvert kreppufæði. Kannski að það verði blásið líf í þessa súpu núna þegar kreppan herjar á landsmenn...já eða fátæka námsmenn.

Ég ætla aldrei aldrei aldrei að láta mér detta í hug að búa þannig til!

En kannski finnst einhverjum þarna úti þetta góð hugmynd og þá um að gera að nýta sér hana.

Og svo er líka gott að nappa með sér klósettrúllum frá vinnustaðnum/skólanum sínum.

Fara í Hagkaup á smakkdögum sem mig minnir að séu annaðhvort fimmtudagar eða föstudagar. Ég held hinsvegar að það séu aldrei smakkdagar í Tesco.

Svo skilst mér að það sé hægt að fara í ROH þegar það er general-prufa og svindla sér inn í veitingarnar í hléinu.

Fara í sund og fylla á sápubrúsann sinn....nema það kostar bara fáránlega mikið í sund...gætir hinsvegar alveg náð í klósettpappír í leiðinni.

Man ekki eftir fleiru í bili.

Og hvað á það að þýða að allt í einu eigi það að kosta mann rúman 60.000 kall að fara heim um jólin!!!!!!! Þetta er hneyksli!

Mér er illt í löppunum og farin að halda að ég sé haldin svefnsýki.

Sofaaaaaa....!

Yfir og út

Indverskt

í morgun gat ég bara ekki vaknað, sama hvað ég reyndi og lamdi mig andlega. Endaði með því að ég svaf í 14 tíma! Hvað á það að þýða?

Held þetta þýði bara eitt. Ég get ekki verið að sosíalisera svona mikið um helgar. Og næturdýrið í mér verður bara að halda kjafti og geymast inni í skáp þangað til í fríum.

Þessar uppgötvanir hafa gert það að verkum að ég er frekar viðskotaill í dag. Eins gott að ég var bara heima og rakst ekki á neinn!

Núna er Elfa hins vegar komin til mín aftur og ég reyni að halda aftur af mér en er samt búin að snappa einu sinni á garnið mitt sem ég var að vefja í hnykil og einu sinni á föt sem eru í stóra kassanum því ég var að leita að einhverri einni sérstakri flík sem ég var ekki að finna.

Er ekki líkt mér að snappa svona auðveldlega.

Það eina merkilega sem ég gerði í dag var að taka til í fataskápnum mínum og herberginu mínu, elda indverskt, komast að því að ég er að deita Tom Waits og líka hann Gregory í garðinum, að ég sé að verða fasistaballerína og hugsa heil ósköpin öll.

Mun svo mæta í skólan á morgun þar sem ég mun þurfa að útskýra fjarveru mína í dag. Er að pæla í að segja þeim að ég hafi bara hreinlega ekki vaknað og ekki með nokkru móti getað það, sama hvað ég reyndi. Og ef þau verða með eitthvað vesen ætla ég að reyna að vera róleg og útskýra fyrir þeim að ég sé nú búin að vera að mæta í skólan þó ég sé búin að vera drullukvefuð í tvær vikur.

Þetta verður fróðlegt.

En svona til að bæta fyrir þetta leiðinlega blogg þá ætla ég að láta hérna fylgja indverskan rétt sem er mjög góður og ég borða svona einu sinni í viku.

Kjúklingur, helst bringur.
Tikka masala sósa úr krukku.
2 matskeiðar hnetusmjör
chili pipar þurrkaður, eftir smekk
hvítlauksduft (ferskur hvítlaukur í fínni útgáfunni), eftir smekk
hálfur laukur
það grænmeti sem til er

Byrjað að steikja laukinn þangað til hann er orðin soldið linur. kjúklingabringurnar skornar í bita (og steiktar ef þetta er ekki foreldaður kjúklingur) og hent á pönnuna þegar laukurinn er einmitt orðin hálflinur. Smá hvítlauksdufti hent yfir laukinn og kjúklinginn. Þetta steikt þangað til að kjúklingurinn er farin að brúnast aðeins og laukurinn líka. Þá er sósunni helt út á pönnuna og hnetusmjörinu hent í líka, sem og chiliinu. Svo er grænmetinu bætt í smám saman eftir það og þetta látið malla aðeins.

Mæli með cherry-tómötum í þetta og að setja þá heila út í þetta. Gefur skemmtilega tilbreytingu á meðan maður gæðir sér á þessu. Gott líka að nota gulrætur, gular baunir, sveppi, epli, ananas, papriku, hugsanlega rúsínur, kúrbít, svo eitthvað sé nefnt. Verður auðvitað sætara ef ávextirnir eru notaðir þannig ef bragðlaukarnir fíla það ekki þá er um að gera að nota það ekkert. Svo náttúrulega sjóða hrísgrjón með þessu og þá er þetta orðin fínasta máltíð fyrir nokkra eða í nokkur mál. Og hnetusmjörið er galdrahráefnið í þessu! Hammananammnamm!

En þá er það ekki fleira að sinni.

Yfir og út.

Skór

Vá, þá er lengsta blogghléi síðan pundið var 160 krónur lokið!

Er á einhvern hátt greinilega búin að vera busy síðan seinasta miðvikudag, ef ég reikna þetta rétt út.

Komst að því á fimmtudaginn að acrobatics-kennarinn okkar þjálfar víst liðið í Cirque du Soleil. Gaman að því. Hann er líka harður, en samt á góðan hátt.

Lærði Feeling Good í söngtíma. Ég elska þetta lag.

Fór til Sidcup að hitta Rose Bruford liðið á föstudagskveldið ásam Halla, Aroni og Braga. Það var skemmtilegt og gott að hitta fólk sem er ekki í skólanum. Fengum fínustu pítsur að borða og svo var líka Hildur sem var með mér í Grandaskóla líka þarna! Ég og Bragi eyddum síðan rúmum tveim tímum í strætó um nóttina til að komast heim, en Aron og Halli gistu. Ég bara vil helst vakna heima hjá mér.

Á laugardeginum hitti ég síðan Hjalta sem var tenór í óperukórnum þegar ég var í honum. Hann er víst að læra og koma sér á framfæri hérna úti og er hérna hálfan mánuð i hverjum mánuði sirka. Það var mjög fínt og gott að kíkja aðeins niður í bæ. Kíktum líka á pöbbinn sem gerir sitt eigið áfengi sem er rétt hjá þar sem Lion King er sýnt. Fínn staður. Svo fórum við og náðum í Elfu á Kings Cross og röltum með hana heim til mín og kíktum svo út á lífið. Enduðum í Camden og voru þar fram á nótt áður en við fórum heim að horfa á Dagvaktina.

Við Elfa eyddum síðan sunnudeginum á Camden markaðinum. Guði sé lof fyrir að ég á ekki krónu...eða pund! Gæti svo auðveldlega eytt nokkrum hundraðþúsundköllum þarna!

Um kveldið kiktum við síðan heim til Hjalta í East Putney þar sem hann eldaði fyrir okkur, Mjög næs!

Þannig þetta var ofvirk helgi hjá mér, miðað við aðrar sem ég hef eytt hér á landi, og ég var í fjórum mismunandi skópörum alla helgina en er samt dauð á alla hætti í fótunum!

Niðurstaða: Mig vantar flatbotna vetrarskó!

Svo kíktum við Halli og Sessý í mánudagspítsu á Hideaway áðan og ég smakkaði ansjósur á pítsu í fyrsta sinn...and I like it! Alot! Slurp!

Hei já svo erum við byrjuð að læra á einhjól í Circus og ég næ nokkuð góðu jafnvægi á því. Höfum ekki gert meira en það, en það lofar góðu.

Og svo mun stundaskráin breytast eftir þessa viku. Það verður alveg þægilegt held ég.

En núna ætla ég að læra aðeins og skipuleggja.

Over and out!

Harðsperrur

Í gær endaði þetta með því að ég gerði öndunaræfingarnar mínar, fór í sturtu og horfði svo á dvd. Var mjög sátt með þá ákvörðun og verðlaunaði mig í dag með því að vinna upp það sem ég hafði ekki gert í gær og naut þess vel.

Horfði líka á DVD á meðan ég borðaði í staðin fyrir að vera á msn eða facebook. Naut matarins betur og fékk smá svona afslöppunartíma. Var því full orku þegar ég fór að læra.

Og núna er ég búin að læra. Er líka búin að komast að því að það er nægur tími í strætó á morgnana til að fara yfir SofA-tíma gærdagsins. Gef mér svo smá tíma líka á kveldin til að hugsa um hamborgarann minn.

Er að drepast úr harðsperrum í dag í rasskinunum! Helvítis Jazz-ballet! Nei ég elska hann og ég elska þessar harðsperrur og get ekki beðið eftir að byrja í ballettímum! Ballet er það besta sem maður getur gert til að tuska rassinn sinn til! Believe you me!

Annað markvert sem er að gerast í skólanum er að ég er byrjuð að ná að tæma hugan í hugleiðslunni! Ekkert lengi í einu en gekk betur í dag en í gær. Ég veit þetta er ótrúlegt því ég hef aldrei aldrei aldrei getað hætt að hugsa, ekki einu sinni náð að hægja á hugsununum mínum sem fara á 1000 km/klst! Og þetta er svo gott! Hausinn verður svo léttur og mér líður eins og það sé verið að strjúka heilanum mínum. Svo gott! Þetta er bókað mál eitthvað sem ég ætla að þjálfa vel með mér.

Fékk annað hlutverk í dag hjá Alex sem er á þriðja ári. Verkefni þar sem hann sýnir aðallega með hreyfingum og sem minnstum texta hvað er í gangi út frá samt leikriti. Hlakka mjög til að vinna það.

Svo er ég að fara að prjóna fyrir leikmyndina hans Baldvins. Ermi á smábarnapeysu.

Þannig verkefninu eru farin að hlaðast inn en ekkert byrjað strax, guði sé lof! Verð að ná einhverju orkujafnvægi í mig fyrst.

Töluðum soldið um þessa þreytu og hvað þetta tæki á í sofa-tíma í dag. Það kom upp úr krafsinu að maður verður farinn að vera eðlilegur á þriðju önn! Hún byrjar í lok mars. Guð hvað ég hlakka til! Maður er alltaf eins og undin tuska þessa dagana og ég nenni aldrei að gera neitt um helgar því þá vil ég bara vera heima og safna orku! Verð að breyta því því það dregur mig líka smá niður.

Svo sakna ég þess að geta vakað til svona tvö á næturnar og dundað mér. Verð að koma því inn í hausinn á mér að það sé í lagi að gera ekki neitt þó klukkan sé bara 21:00. Finnst ég alltaf þurfa að gera eitthvað þegar klukkan er svona lítið.

En núna get ég ekki setið lengur á ruslafötunni minni sem er líka nýtt sem stóll...þessar harðsperrur eru frá helvíti....og himnaríki....bæði í einu! AAAAAAAAAAAAAAA!

Yfir og út!

Frestunarárátta

Það gerðist ekkert markvert í strætó í dag. Í rauninni gerðist ekki neitt markvert í dag.

Yoga, Stage Combat, Jazz og sofa.

Eiginlega frekar leiðinlegur dagur ef maður pælir í því. Einhvern vegin bara svona engan veginn. Það er pínu leiðinlegt. Var bara að fatta það núna.

Ekki einu sinni neitt að gerast á Facebook, msn eða emilnum.

Kannski þess vegna sem mig langar helst bara til að leggjast og horfa á dvd og sofna tiltölulega snemma.

En ég þarf að klára nokkra hluti fyrst.

Er bara orðin alveg andlaus eftir daginn.

Er kannski þreytt líka.

Hef ekki verið að fá mína 8 tíma síðustu tvær nætur, bara 6-7 tíma. Og ég virka best eftir 10 tíma.

Ég gæti alveg frestað eiginlega öllu sem ég þarf að gera.

Bara tveir hlutir sem taka stuttan tíma sem ég þarf að gera

Á maður að vera góður við sig og leggjast í dvd-gláp eða lemja sig með svipunni?

Er búin að vera mjög dugleg seinustu tvo daga.

En ef ég tek klukkutíma í að vera dugleg núna þarf ég ekki að eyða tveim tímum í að vera dugleg á morgun.

En ég gæti verið úthvíldari á morgun og þá gert þá betur þá en ef ég myndi gera þá núna.

En ég veit líka að þá myndi ég bara fresta því að gera það á morgun...fresta því yfir á næsta dag....og þá aftur yfir á næsta dag....og svo á endanum myndi ég bara þurfa að feisa annan sunnudag þar sem ég er hlaðin verkefnum.

Og ekki get ég það. Því þá verð ég bara löt líka í næstu viku.

Og núna er ég bara að reyna að eyða tíma með því að blogga um nákvæmlega ekki neitt.

Eyða tíma svo ég þurfi ekki að taka ákvörðun.

Skrítin skrúfa þessi heili!

Strætó

Ég fer alltaf með strætó í skólann. Í morgun náði ég strætó sem kemur á undan mínum (munar alveg heilum 5 mínútum) þannig ég var ekki með mínu vanalega fólki í strætó.

Ég labba upp, eins og alltaf á leiðinni í skólan því ég fer alveg á endastöð, og sest niður. Á sömu stöð og ég kom inn maður sem fer líka upp og sest í næst fremsta sætið vinstra megin. Þegar strætó er nýlagður af stað þá biður þessi maður konu sem situr hinu megin við ganginn í næstu röð fyrir framan að rétta sér blað úr glugganum. Hún gerir það. Hann tekur blaðið, lítur á það, lítur svo aftur á konuna og byrjar bara að tala á fullu við hana og hafði greinilega aldrei hitt hana áður. Hún er soldið vör um sig (sem er mjög skiljanlegt því hann var frekar málóður) en sér svo að hann ætlar ekkert að hætta að tala við hana þannig hún fer að spyrja spurninga á móti.

Núna veit ég að þessi maður býr í húsi þar sem veröndin er hans svæði þannig hann sefur úti á verönd. Hann átti við drykkjuvandamál að stríða en hætti að drekka eftir að hann myrti mann í ölæði. Pabbi hans er ríkur og successful maður í lífinu og finnst því skrítið að sonurinn hafi orðið þessi ómynd. Maðurinn vinnur tvær vinnur sem hann þolir ekki. Hann er líka skapmikill (þó hann hafi allan tíman verið hinn ljúfasti í strætóinum). Honum finnst fólk sem vinnur á sjúkrahúsum awesome (en konan vinnur á sjúkrahúsi)!

Ég tek líka strætó úr skólanum. Í dag kom inn fjölskylda með þann stærsta hund sem ég hef á ævi minni séð! Held þau hafi sagt að þetta væri Great Dane. Þau voru öll frekar furðuleg, kannski af því þau töluðu hátt og létu bara eins og þau myndu hugsanlega láta heima hjá sér (sem fólk gerir almennt ekki í strætó). Svo buðu þau öllum að klappa hundinum og töluðu hátt um það sín á milli að allir væru að dást að hundinum.

Verð að viðurkenna að strætóferðir hérna eru mun áhugaverðari en strætóferðir heima.

Skólinn fínn, verð betri og betri í jóga, lenti í black out-i í ASAD tíma þegar ég fékk óvæntar spurningar um námsefnið (gat svarað þeim sem ég hafði búist við að fá). Verð að fara að hugsa meira út í námsefnið, ekki bara að skilja það, heldur pæla í því. Svo rokkuðum ég, Aron og Nicola feitt í Voice....nema við röppuðum eiginlega. Og tókum smá Ágústu líka á þetta.

Svo fann ég uxahalasúpu! Hélt þær væru útdauðar! Hún var reyndar í dós en ekki í pakka. Og hún var ekki jafn góð og sú í pakkanum. Svindl.

En núna ætla ég að fara að læra og horfa svo kannski á einn Grey's. Jafnvel lesa smá.

Yfir og út.

Sunnudagur

Það er svo skrítið og pínu leiðinlegt en líka gott hvað ég nenni aldrei að gera nokkurn skapaðan hlut um helgar hérna! Jú föstudagskveldin fara í eitthvað en restina af helginni hangi ég bara inni eins og tuska! Og samt er eiginlega alltaf búið að vera gott veður um helgar hérna.

Oft er ég svo löt að ég nenni ekki einu sinni niður í eldhús til að búa mér til mat! En hungrið rekur mig þangað á endanum!

Í dag er ég líka kvefaðri sem aldrei fyrr. Hef bara aldrei upplifað svona svaðalegt kvef svo ég muni. Hef ekki undan að snýta mér.

Samt næ ég að prjóna og horfa á Grey's Anatomy. Er búin að prjóna haug um helgina og horfa á fimm þætti, bráðum sex.

En bara þennan eina þátt. Svo ætla ég að lesa aðeins eitt leikrit sem strákur sem heitir Alex og er í skólanum benti mér á og svo kannski kíkja aðeins á glósur seinustu viku. Eyddi ekki alveg nógu miklum tíma í að læra í vikunni og verð að reyna að bæta þetta upp núna.

Er reyndar búin að kynna mér aðeins samsetningu quarter-puondara. Ég má gjörasvovel og leika það eftir tvær vikur, allt vini mínum Þjóðverjanum að þakka.

Við sögðum öll eitt inanimate object og svo var því skipt niður á okkur. Lucky me fékk fáránlegasta hlutinn af öllum! En það er bara gaman að fá smá áskorun ekki satt?

Þjóðverjinn vinur minn er samt rosaleg týpa. Ég hef svo innilega mikið necative afinities við hann að það er fáránlegt. Og það verður bara neikvæðara og neikvæðara með hverjum deginum. Þarf að finna mér leið til að komast út úr þessu. Hann hneykslar mig agalega mikið! Við erum semsagt ekki vinir og ég innilega þoli hann ekki en mun samt kalla hann vin minn Þjóðverjann.

Mér finnst þetta samt soldið erfitt að þola hann ekki. Ég vil nefnilega reyna að virða lífsskoðanir annarra og þess háttar. En þetta get ég bara ekki virt. Hann er svo agalega grunnhygginn og fastur í sínum skoðunum. Hann virðir ekki aðra lífsmáta en þann sem honum finnst réttir. Og já honum finnst stelpur heimskar og segir að maður geti alltaf verið grennri.

Hvernig getur maður unnið með einhverjum sem maður veit að lítur niður á sig?

Og hvernig get ég unnið með einhverjum sem ég lít niður á?

Úffff veit ekki hvað skal segja. Þetta þarf að leysa.

Er ekki enn komin með steppskó bæði sökum leti og líka fjárhags. Er bara ekki alveg að tíma 50 pundum í þetta. En mig langar samt að eiga steppskó.

Jæja, ætla að reyna að taka aðeins til hérna og fara í bað.

Yfir og út!

Félagslíf

Jæja, soldið síðan maður skrifaði seinast! Allt búið að vera á fullu í félagslífinu!

Á fimmtudaginn var ASAD boðið í partý hjá listaháskóla sem er í sama húsi og við. Þar voru ódýrar veigar á boðstólnum og svo var haldið á pöbbinn þegar partýið var búið um 8:00pm. Þessi skóli er alltaf með sýningar á verkum nemendanna í hverri viku og á fimmtudögum er alltaf partý í tilefni af því. Þar sá maður fullt af artí-fartí-liði, sem maður bjóst við að sjá meira af hérna. Við Halli erum t.d. mest artí-fartí í okkar skóla í útliti og þó myndi ég samt segja að við séum bara með rétt dash af því.

Anywho þetta var mjög gaman og ég kynntist aðeins tveim íslenskum strákum, Axel og Hans, en Axel er að læra í þessum listaháskóla. En svo ég var ekki komin heim fyrr en rétt fyrir tólf og fór þá beint í bólið eftir smá facebook-tékk (en það var ekkert búið að hleypa mér þar inn tvo daga á undan!).

Í gær ákváðu meðleigjendur mínir að tala við mig! Alveg óvænt! Það var skemmtilegt. Settumst niður í eldhús með rauðvín og hvítvín og höfðum okkur svo til til að fara á pöbb (The Macbeth) þar sem var einhver hljómsveit að spila sem vinkona Ninu þekkir. Hljómsveitin skipuðu þrjár stelpur, mjög svo emo, og voru frekar vel vaxnar á lárétta-mælikvarðan. Og söngkonan hefur greinilega lent í einhverju röffi því annað augað í henni var alveg í klessu...varanlegri klessu! Þær voru fínar en frekar einsleitar og vel kryddaðar af þunglyndislegum lögum. Á þessum stað var líka fullt af fartíum. Er komin á þá skoðun að þeir feli sig bara inni í listaháskólum á daginn og rétt svo skríði út á kveldin til að fara á pöbbinn. Þetta var einstaklega skemmtilegt kveld og við Nina náðum nokkuð vel saman, enda er hún mjög skapandi manneskja og hrein og bein.

Skólinn gengur vel og maður gerir nýjar og nýjar uppgötvanir á hverjum degi. Er búin að finna út að mér finnast Voice og Physical Theatre tímarnir leiðinlegastir því ég hef gert milljón sinnum það sem við erum að gera þar!

Reyndar í gær í P.Th. vorum við í leiknum þar sem einn er með lokuð augun og hinn stjórnar honum með því að gefa frá sér hljóð. Ég var að stjórna Chris og við höfðum ákveðið að hafa hljóðið bara plain -aaaaaaaa- nema hvað að þegar við erum búin að vera að þessu í smástund þá allt í einu heyrir hann ekki hvaðan hljóðið kemur og labbar á vegg! Hehhhh! Ég skammaðist mín niður í brækur! En hann segist alveg treysta mér enn, þrátt fyrir það.

Svo er ég búin að breyta herberginu mínu eftir að fataslárnar gáfust upp. Finnst það eiginlega bara líta betur út núna! Og ég bjó mér til smá skrifborð og sit svo á ruslafötunni minni við það. Maður reddar sér!

Svo var Nina að segja að við Alex gætum líklegast tekið yfir leiguna á húsinu í janúar þegar þau flytja út. Ætla að tékka betur á því og athuga hvort eitthvað af liðinu í skólanum vill leigja hérna. Það væri draumur að þurfa ekki að flytja!

Sumsé allt gott héðan frá London. Hef ekki enn verið lamin fyrir að vera íslenskur terroristi og flestir hafa bara mikla samúð með manni.

Ekki meira að frétta að sinni.

Yfir og út!