Ég held...

...að ég muni bráðum springa!

Stay tuned!

AFI SAFI!

Afhverju datt manni þetta aldrei í hug?

Lalalalala

Sunnudagsmorgun og ég vaknaði fyrir kl. 10:00! Batnandi manni ER best að lifa ;o)

Er á leiðinni í bústað með Andra og fjölskyldunni hans. Er búin að vera með bústaðarþrá í ca. 3 ár. Það er bara svo yndislegt. Ekkert sem maður þarf að gera nema bara að slaka á :o)

Var í giftingarveislu hjá Pétri og Jóni í gær. Það var auðvitað mjög gaman. Það var í tísku að detta á meðan maður var að halda ræðu. Við fundum út að "falling is the new standing".

En ætla að fara að horfa á dvd eða eitthvað á meðan ég bíð eftir að Andri sé búinn að syngja í messu.

Allt að gerast

Ekkert að gera í vinnunni og þá leyfi ég mér að vafra um fasteignasíður og láta mig dreyma...verst að hitta á íbúð á óskagötunni - http://mbl.is/mm/fasteignir/fasteign/?eign=300536

Er komin á hjól núna og hjóla um allt eins og píla. Bleika perlan seldist sama dag og hún kom í blaðið...meira að segja fyrir hádegi!

Svo er ég byrjuð að prjóna. Fann uppskrift af skokkinum sem mig langaði í og get núna gert hann í þeim litum sem ég vil :o)

Og svo eru tölvukaup á planinu!

Allt að gerast!

Fór á bandalagsþing um helgina (Bandalag íslenskra leikfélaga). Það var bæði fróðlegt og skemmtilegt. Var líka fínt að komast aðeins í sveitasæluna :o)

Er núna bara að klára að tækla sumarið fyrir Sýni og að byrja að vinna eitthvað meira með Helga Rafni. Endalaust gaman!

Ef þið viljið vera á póstlista Hjá leikfélaginu Sýni þá sendið emil á [e-mail] og fylgist líka með á http://www.leikfelagidsynir.blog.is/ svo erum við líka á Facebook ;o)

Og svo vona ég að fljótlega komi plan fyrir Bingó-æfingar!

Og enn og aftur: allt að gerast!

Rohipnol og smjörsýra!

Mig langar til að biðja ykkur um eitt: Passið vel upp á glösin ykkar á djamminu! Manni finnst afskaplega fjarlægt að eitthvað geti gerst þangað til það gerist. Og þetta gerist ekki bara í borginni heldur er þetta líka að gerast úti á landi.

 Ég lenti í þessu núna í nótt en sem betur fer var ég umkringd góðu fólki og þetta fór eins vel og hugsast gat. Þetta var engu að síður mjög óhugguleg reynsla og ég bið þess að enginn þurfi að lenda í þessu því þetta fer oft miklu verr!

Svo er ég núna búin að heyra af nokkrum svipuðum atvikum sem gerðust nýlega þannig hafið þetta í huga þessa dagana, já og bara alltaf þegar þið kíkið út á lífið. Verið á verði!

Annars var kvöldið mjög ánægjulegt fram að þessu. Við skelltum okkur nokkrar úr skólanum á söngvaraballið í okkar fínasta og það var auðvitað mjög skemmtilegt. Ég dansaði af mér lappirnar! Svo kíktum við á Næsta bar sem var troðinn og undirmannaður þannig ég tók mig til í síðkjólnum og fór nokkrar umferðir að safna saman glösum og henda í uppþvottavélina og koma fram á bar. Hitti mömmu og Gulla þar og það hjálpaði mikið til seinna um nóttina.

Svo "vaknaði" (var samt vakandi) ég kl. 7 inni á sjúkrahúsi.

Skal viðurkenna að ég er í svolitlu losti!

Já fór líka í píanópróf og söngmat í gær. Píanóið hefði getað gengið betur - gleymdi í miðju lagi hvernig restin var og klúðraði mig í gegnum það í 3. tilraun! En söngmatið gekk ótrúlega vel og þá sérstaklega seinni 2 lögin! Hlakka til að sjá umsögnina en þessi prófdómari dæmdi grunnstigið mitt og var einstaklega spör á einkunnina þá.

Svo er það bara Skagafjörðurinn um helgina! Býst sterklega við að drekka bara Kristal með vel skrúfuðum tappa þar!

Atvinnuleit

Hata að þurfa að finna mér nýja vinnu í sumar...og það líka bara í 2 mánuði! Finnst ekkert leiðinlegra en atvinnuleit!

En til að líta á björtu hliðarnar þá er ég komin með vinnu næsta vetur.

Fór í leikhús í gær á Engispretturnar. Leikmyndin var gebbuð! Tónlistin var gebbuð. Leikurinn á flestum póstum góður, Gunnar Eyjólfs er æði. Leikritið sjálft mjög gott. Maður var ekkert að fara yfirum eftir þessa sýningu en hún var góð. Stundum er voða gott að fara á góða "venjulega" leiksýningu.

Fór líka um daginn á Baðstofuna. Hún var fyndin, ógeðsleg, sögulaus, subbuleg vitleysa með frábærri hljóðmynd. Stefán Hallur var góður sem marbendillinn og hreyfingarnar hjá honum voru ótrúlegar.

Í nótt dreymdi mig svo að við værum að setja Fígaró aftur upp nema bara flottari uppsetning og það var allt á seinasta snúning. Í sinni draumnum var pabbi að setja upp sýningu sem hafði verið valin sem AÁÁ og allt var á seinasta snúning þar líka. Hvað ætli þetta þýði?

Ég nennissekki!

B O R E D

Ég sit hérna í vinnunni og læt mér leiðast. Frá því klukkan hálf tvö er ég búin að gera 4 hluti í vinnunni: Taka á móti plakötum, hleypa Ragga inn, segja konu að spegillinn hennar sem hún týndi í gær sé ekki hérna og afhenda einum manni miða. Mjög afkastamikill dagur.

Svo er ég búin að kynna mér ágætlega launatöflur Reykjavíkurborgar og allt það saman svona til þess að maður hafi einhverja hugmynd um hvaða laun standa manni til boða í sumar.

Svo er ég líka búin að vera að senda góða strauma til Guðrúnar Sóleyjar en hún er um það bil að klára lokaviðtalið sitt núna sem mun skera úr um hvort hún sé á leiðinni í LHÍ eða ekki! Spennandi!

Ætla að fara og finna út hvaða orð sé hægt að skrifa á vasareikni!

Allt búið - eða hvað?

Það er svo gott þegar öll svona stór verkefni klárast. En þá reyndar koma upp fullt af smærri verkefnum sem fer eiginlega meiri tími í því það þarf að smotteríast svo mikið í kringum það! Er alveg í því núna að hnýta lausa enda og hef sjaldan átt minni frítíma.

Svo lítur allt út fyrir það að það verði aukasýningar á 39 og 1/2 viku!!!! Jei! Læt vita meira seinna ;o)

Fékk disk með Bingói á sunnudaginn því nú þurfum við að fara að rifja upp hvernig við gerðum þetta. Horfði á hann í fyrsta skipti í gær og er það í fyrsta sinn sem ég sé sjálfa mig leika...já og sé blessað leikritið. Mér fannst þetta alltaf bara frekar venjulegt leikrit en það er það ekki...bara stórskemmtilegt! Og svo var fullt af dóti sem ég var ekki viss um að kæmu vel út en þá er þetta bara svona glimrandi! Stórskrýtin glimrandi sýning! Gæti verið að við munum hafa fjáröflunarsýningar í sumar og þá skal ég láta vita...megið ekki missa af þessu í þetta skipti!

Lokasýning á Cosi gekk vel og svo var heljarinnar lokapartý! Shi hvað var gaman! Skreið heim ca. 6 um morguninn...á miðvikudagsmorgni...þessir söngvarar! Alveg bilað lið!

Svo er það stóra spurningin um sumarvinnu! Þoli það mál aldrei! Af hverju getum við ekki lengt skólaárið og splæst síðan í 6 vikna sumarfrí sem yrði bara sumarfrí? Og taka upp námsstyrkjakerfi! Það er frekar óþolandi að vinna eins og hestur með náminu sínu og vinna svo áfram yfir sumarið eins og hestur!

Og er komin inn á námskeiðið hjá Rúnari í Skólanum og Fanney systir inn hjá Ágústu :o) Hlakka óhóflega mikið til!

En ætla að fara að reyna að hitta Andra núna í smá tíma áður en ég þarf að fara á æfingu og svo er Fanney systir að koma suður - skúbbidí!!!

Aukasýning

það hefur verið skellt inn aukasýningu á Cosi fan tutte þriðjudagskveldið 15. apríl!

 Allir að drífa sig að næla sér í miða!!! Bara 1.000 kr. miðinn! Allir á www.opera.is eða hringja í síma 511-4200!

 Höfum verið að fá mjög fína dóma frá Jóni Viðari í DV og frá Páli Baldvini á Fréttablaðinu! Jón Viðar segir þetta vera eitt flottasta sjónarspil sem hann man eftir á sviði Íslensku Óperunnar.

Koma svo!

Snjór!

Var inni á Eyjarslóð að æfa í gærkveldi. Þegar ég fór inn voru göturnar auðar. Þegar ég kom út var komin hellingur af SNJÓ!

Og hann var enn til staðar í morgun!

Þetta kallast að svindla.